"Манчестер Юнайтед" ҳимоячиси Люк Шоу Англия терма жамоаси ёш футболчиларидан қайси бири уни кўпроқ ҳайратда қолдиргани ҳақидаги саволга жавоб берди.

“Жуд Беллингем мени энг кўп ҳайратда қолдирди. Ҳозир у ҳали ёш, лекин унинг истеъдоди ақл бовар қилмайди. У ҳамма нарсани қила олади: тўпни олиб юриш, тўпни узатиш, тажовузкор ўйнаш.

16 ёшида ҳам у ажойиб кўринарди. Бу йигит жуда яхши. Унда доим истеъдод бор эди, энди у тажриба ва куч тўпламоқда. Унинг қадамлари уни тўғри йўлга олиб боради”, деди Шоу.

Жуд Беллингем 2020 йилдан буён Дортмунднинг “Боруссия”сида тўп суради. Жорий мавсумда у барча турнирларда 22 та ўйин ўтказиб, 9 та гол урди ва 3 та голли узатмани амалга оширди.