"Real"ning sobiq himoyachisi Roberto Karlos Braziliya terma jamoasining JCH-2022dagi imkoniyatlarini baholadi.
"Hozir murabbiyda qanot himoyachisidan tashqari barcha pozisiyalarda Rossiyadagi so‘nggi jahon chempionatidagidan ko‘ra ko‘proq imkoniyatlar mavjud. Hozir hamma Braziliyani favorit deb biladi, ammo barcha jamoalar juda kuchli, kim psixologik jihatdan yaxshiroq tayyorlansa, o‘sha g‘alaba qozonadi", - dedi Roberto Karlos Mirror bilan suhbatda.
Qatarda bo‘lib o‘tayotgan jahon chempionatining birinchi turida Braziliya terma jamoasi Serbiya terma jamoasi bilan o‘ynaydi, o‘yin 24 noyabr kuni bo‘lib o‘tadi. Uchrashuv Toshkent vaqti bilan 00:00 ga belgilangan. Janubiy amerikaliklarning navbatdagi raqiblari Shveysariya va Kamerun terma jamoalari bo‘ladi.
