Fransiya terma jamoasi yarim himoyachisi Adriyen Rabyo JCH-2022 guruh bosqichi 1-turi doirasidagi Avstraliyaga qarshi o‘yin (4:1) natijasi haqida fikr bildirdi.
“Bu yaxshi jamoaviy o‘yin bo‘ldi. Biz o‘yindan qoniqdik. Bu biz uchun turnirning ajoyib boshlanishi bo‘ldi.
O‘yin boshida biroz tushkunlikka tushgandik, ammo o‘tkazib yuborilgan golga tezkorlik bilan munosabat bildirib, gol urib, ikkinchi bo‘limda ishni yakunladik.
Biz vahimaga tushmadik va bu bizning jamoa sifatidagi kuchimizni bildiradi. Xuddi shu ruhda davom etamiz degan umiddaman.
Endi biz keyingi o‘yinlarga tayyorgarlik ko‘rishimiz kerak", - deydi Rabyo.
