"Arsenal" vingeri Bukayo Saka klub bilan shartnomasini uzaytirish bo‘yicha muzokaralarga kirishdi.
Manba bergan xabarga ko‘ra, "kanonirlar" 21 yoshli angliyalik futbolchining maoshini 3 barobarga oshirmoqchi.
E’tibor bering, hozir yosh iqtidor haftasiga 70 ming funt maosh olmoqda va uning shartnomasi 2024 yilning iyunigacha amal qiladi.
Gap shundaki, Sakaga "Manchester Siti" ustozi Pep Gvardiola qiziqish bildirmoqda. Mutaxassis uni Rahim Sterlingning o‘rniga ko‘rmoqda.
Joriy mavsumda yosh iqtidor sohibi 14 ta uchrashuvda maydonga tushib, 4 ta gol va 6 ta golli uzatmani amalga oshirdi.
