Rio Ferdinand Krishtianu Ronalduning "Manchester Yunayted"dan ketishi haqida gapirdi.

Portugaliya terma jamoasi va klubning 37 yoshli hujumchisi tomonlarning o‘zaro kelishuviga ko‘ra shartnomani bekor qildi.

Avvalroq Krishtianu shov-shuvli intervyu berib, unda "Manchester Yunayted" rahbariyati va bosh murabbiy Erik ten Xagni tanqid qilgan edi.

"Menimcha, hozir ikkala tomon ham baxtli. Ochig‘i, u intervyuni klubdan ketish niyatida bergan. U baxtsiz edi va buni aniq aytdi.

Ammo men ishonamanki, Erik ten Xag ham bu vaziyatda xohlagan narsasiga erishdi. Ikkala tomon ham baxtli, hayot davom etmoqda. Bu Krishtianu Ronaldu uchun keyingi bob.

Menimcha Ronalduning keyingi qadami motivasiyaga bog‘liq. Chempionlar ligasi, pul? Iqlimi yaxshi joyda o‘ynashni davom ettiradimi? Bu parda ortida sodir bo‘ladi, lekin ishonchim komilki, biz buni o‘z vaqtida bilib olamiz" - dedi “Manchester Yunayted”ning sobiq himoyachisi BBC bilan suhbatda.