"Milan" klubi hujumchi Rafael Leau bilan shartnomani uzaytirish borasida muzokaralar olib bormoqda, deb xabar beradi Football Italia.
Italiya klubi futbolchiga 2027 yilning yoziga qadar olti million yevro maosh bilan yangi shartnoma taklif qilmoqda.
E’tibor bering, hozir futbolchining maoshi mavsumiga 1,5 million yevroni tashkil qiladi.
23 yoshli portugaliyalik joriy mavsum A Seriyada 14 ta o‘yinda maydonga tushib, 6 ta gol urdi va 4 ta golli uzatmani amalga oshirdi. Uning «Milan» bilan amaldagi shartnomasi 2024 yilning yozida yakuniga yetadi.
