Qo‘qondagi “markaziy” stadioniga O‘zPFL tomonidan yoritkichlar talabga javob bermaganligi sababli taqiq qo‘yilgan edi. Jamoa o‘tgan yil boshida Polsha davlatining “Phlipis” kompaniyasi yoritkichlarini o‘rnatish bo‘yicha diler kompaniya bilan shartnoma imzolagan va buning uchun ma’lum  miqdorda pul ham to‘langan hamda yoritkichlarning bir qismi Qo‘qonga yetib kelgan ham edi. Biroq keyinchalik yuzaga kelgan moliyaviy muammolar sababli kelishilgan summaning qolgan qismini to‘lanmadi va yoritkichlarning qolgan qismlari ham bizga yetib kelmadi.

Jamoa rahbariyati kelgusi mavsumga stadionni barcha talablarga javob bera oladigan holatga keltirish uchun allaqachon amaliy ishlarni boshlab yuborishgan.  Birinchi o‘rinda stadion yoritkichlari masalasi bilan shug‘ullangan rahbarlar avvalgi kompaniya bilan shartnomani bekor qildi hamda Litva davlatining ZAO “Tranzito paslaugu sentras” kompaniyasi bilan yangitdan kelishuvga erishdilar. Bu kompaniya ham “Phlipis”ning rasmiy dileri hisoblanadi. Olib borilgan muzokaralar natijasida Qo‘qonga yetib kelgan “Phlipis”  yoritkichlariga yana qo‘shimcha eng so‘nggi rusumdagi yoritkichlar va butlovchi qismlar keltiriladi va “Markaziy” stadion PFL talab qilgan yorug‘lik lyuksiga ega bo‘ladi.

Kecha yuqoridagi kompaniya hisob raqamiga kelishilgan miqdordagi pul mablag‘lari to‘lig‘icha o‘tkazib berildi. Endi Litva kompaniyasi dekabr oyi ichida, uzog‘i bilan yanvar oyida yoritkichlarni Qo‘qonga yetkazib berish masalasini hal qiladi hamda yangi yilning yanvar oyida “Markaziy” stadionda yoritkichlarni o‘rnatish ishlari olib boriladi.

Qolaversa, stadion chimini yangi mavsumgacha futbol o‘ynash uchun ideal holatga keltirish, maydon chimiga mutaxassislar bilan maslahat qilgan holda ishlov berish bo‘yicha ham ishlar shu kunlarda boshlanadi. Xullas, kelgusi mavsumni jamoa muxlislar qarshisida va barcha talablarga javob beradigan chiroyli stadionda o‘tkazadi