"Chelsi"ning sobiq yulduzi Jon Terrining fikricha, "Tottenxem" hujumchisi Xarri Keyn chempionlikni qo‘lga kiritishni istasa, jamoasini o‘zgartirishi kerak.
"Tottenxem"da Keyn chempionlik uchun kurasha olmaydi va u g‘alaba qozonishga chanqoq. Albatta, qachonki “Tottenxem”ga zarar yetkazish imkoniyati bo‘lsa, men undan foydalanaman”, — deya Terrining so‘zlarini keltiradi Bein Sports.
29 yoshli Keynning "shporlar" bilan shartnomasi 2024 yilning yoziga qadar amal qiladi. Uning transfer narxi 90 million yevroga baholanmoqda.
Premyer-liganing 297 o‘yinida Keyn 195 ta gol urgan. Undan oldinda faqat Ueyn Runi (491 uchrashuvda 208 gol) va Alan Shirer (441 uchrashuvda 260 gol) turibdi.
