Mashhur jurnalist va insayder Fabrisio Romano yarim himoyachi Serxio Busketsning kelajagi haqida gapirdi.
Ispaniyalik futbolchining «Barselona» bilan amaldagi shartnomasi 2022/2023 yilgi mavsum oxirigacha amal qiladi.
«Xavi Serxio Busketsdan juda mamnun. Uning ishonchi komilki, Buskets yana bir mavsum klubga yaxshi yordam bera oladi, lekin bu ham futbolchining o‘ziga bog‘liq.
Qaror hozir emas, 2023 yilda qabul qilinadi. Unda yana bir yilga qolish imkoniyati bor, chunki Xavi bunga intiladi, ammo Busketsda MLS takliflari ham bor», - deb yozadi Romano o‘zining sahifasida.
Serxio Buskets 34 yoshda. Transfermarkt ekspertlari futbolchini 5 million yevroga baholamoqda.
