Myunxenning “Bavariya” klubi va Germaniya terma jamoasi sobiq himoyachisi Lotar Matteus “Bundestim”ning Qatardagi jahon chempionatidagi muvaffaqiyatsiz o‘yiniga munosabat bildirdi.
“Flik o‘zi yo‘l qo‘ygan xatolardan qochishi mumkin edi. Lekin menimcha uni ishdan bo‘shatish kerak emas. Avvalo, keng ko‘lamli qayta qurish ishlarini olib borish kerak. Qolaversa, 2024 yilda bizni o‘z maydonimizda Yevropa chempionati kutmoqda", — dedi Matteus Tuttomercatoweb bilan suhbatda.
Germaniya terma jamoasi Ispaniya, Yaponiya va Kosta-Rika jamoalari bilan guruhda uchinchi o‘rinni egalladi. Xans-Diter Flikning shogirdlari to‘rt ochkoni qo‘lga kiritdi. Yaponiya va ispanlar ushbu kvartetdan pley-offga yo‘l olishdi.
