«Arsenal»ning sobiq hujumchisi Ian Rayt marokashlik yarim himoyachi Xakim Ziyesh klubidan ko‘ra ko‘proq o‘z mamlakati uchun yaxshiroq o‘ynashi haqida fikr bildirdi.
Eslatib o‘tamiz, 2020 yilning yozidan buyon yarim himoyachi «Chelsi»ning asosiy tarkibida o‘z o‘rnini topa olmayapti.
«Menga Xakim Ziyeshning jahon chempionatidagi o‘yinlari yoqadi. O‘z mamlakati uchun u «Chelsi»dagidan butunlay boshqacha energiya bilan o‘ynaydi», - deya Raytning so‘zlaridan iqtibos keltiradi jurnalist Nizar Kinsella.
Eslatib o‘tamiz, Ziyesh qishki transferlar oynasida «Chelsi»ni tark etishini istisno qilmagan edi. Marokashlik uchun da’vogarlar orasida avvalroq «Milan» va Amsterdamning «Ayaks» klublari tilga olingan.
