Vengriya terma jamoasining italiyalik murabbiyi Marko Rossi Portugaliya terma jamoasining asosiy tarkibiga kirishni to‘xtatgan Krishtianu Ronalduning muammolarini mantiqiy deb hisoblaydi. Rossining fikricha, bunga Ronalduning samaradorligi ancha pasayganligi sabab bo‘lgan.
"Bu, albatta, murabbiyning qarori emas, lekin bu mantiqan to‘g‘ri. O‘ylaymanki, ko‘pchilik Ronalduning o‘yinlari pasayib borayotganini allaqachon ko‘rdi. Uning karerasi aql bovar qilmaydigan, ammo endi u o‘sha darajada o‘ynay olmaydi. Yaqin vaqtgacha buni qila olardi, ammo hozir qila olmaydi", - deya Marko Rossining so‘zlarini keltiradi TMW News.
