"Yuventus" yarim himoyachisi Pol Pogbaning jarohatidan tiklanish vaqti haqida ma’lumot berildi.
Unga ko‘ra, Pogba jarohatidan tiklanishi uchun yana bir oy kerak bo‘ladi. Shundan so‘ng, tabiiyki, unga o‘z formasini tiklash uchun qo‘shimcha vaqt talab etiladi, ya’ni u A Seriyada mavsumning ikkinchi qismida dastlabki 5-6 uchrashuvni o‘tkazib yuborishi mumkin.
Pogbaning muammolarini inobatga olgan holda, "Yuventus"da Adriyen Rabyoga ishonishdan boshqa iloj yo‘q, "byankonerilar" uni 2023 yilning yozida erkin agent sifatida qo‘ldan chiqarmaslik uchun qishki transfer oynasida sotishni rejalashtirgan edi.
