Marokash terma jamoasi himoyachisi Ashraf Hakimiy terma jamoaning 2022 yilda Qatarda bo‘lib o‘tayotgan jahon chempionati yarim finalida Fransiyadan uchralgan mag‘lubiyat (0:2) haqida fikr bildirdi.
"Biz o‘zimizni butunlay berdik. Jamoamiz, yurtimiz orzusi poyoniga yetdi. Ammo biz qilgan ishimiz bilan faxrlanishimiz kerak. Biz so‘nggi soniyalargacha kurashni davom ettirdik va boshimizni baland ko‘tarib ketdik. Biz bundan keyin ham Vatanimiz uchun bor kuchimizni berishga harakat qilamiz. Barcha marokashliklarga qo‘llab-quvvatlaganlari uchun rahmat", — deb yozdi Hakimiy ijtimoiy tarmoqdagi sahifasida.
Marokash terma jamoasi ertaga, 17 dekabr kuni Xorvatiya termasi bilan JCH-2022 uchinchi o‘rin uchun o‘yinda maydonga tushadi. Uchrashuv Toshkent vaqti bilan soat 20:00da boshlanadi. Marokash terma jamoasi jahon chempionatining bunday yuqori bosqichiga chiqqan ilk Afrika terma jamoasiga aylandi.
