Марокаш терма жамоаси ҳимоячиси Ашраф Ҳакимий терма жамоанинг 2022 йилда Қатарда бўлиб ўтаётган жаҳон чемпионати ярим финалида Франциядан учралган мағлубият (0:2) ҳақида фикр билдирди.
"Биз ўзимизни бутунлай бердик. Жамоамиз, юртимиз орзуси поёнига етди. Аммо биз қилган ишимиз билан фахрланишимиз керак. Биз сўнгги сонияларгача курашни давом эттирдик ва бошимизни баланд кўтариб кетдик. Биз бундан кейин ҳам Ватанимиз учун бор кучимизни беришга ҳаракат қиламиз. Барча марокашликларга қўллаб-қувватлаганлари учун раҳмат", — деб ёзди Ҳакимий ижтимоий тармоқдаги саҳифасида.
Марокаш терма жамоаси эртага, 17 декабрь куни Хорватия термаси билан ЖЧ-2022 учинчи ўрин учун ўйинда майдонга тушади. Учрашув Тошкент вақти билан соат 20:00да бошланади. Марокаш терма жамоаси жаҳон чемпионатининг бундай юқори босқичига чиққан илк Африка терма жамоасига айланди.
