Garchi "Lokomotiv" Superligani tark etib, mavsumni Pro-ligada o‘tkazsa-da, klub rahbariyati jamoa oldiga bir yilning o‘zida Superligaga qaytish vazifasini qo‘ydi.
Shu boisdan klub rahbariyati va murabbiylar shtabi tomonidan yangi mavsum uchun rejalar jiddiy tarzda ishlab chiqilmoqda. Ayni damda, jamoa tarkibiga yangi olib kelinadigan futbolchilar bilan muzokaralar olib borilmoqda. Muzokaralar yakunlanganidan so‘ng tarkibdagi yangiliklar bilan ham tanishtirib o‘tamiz.
Jamoa mavsumga tayyorgarlikni 2023 yilning 6 yanvar kunidan "Lokomotiv" qarorgohida boshlaydi. Ushbu kichik yig‘in 19 yanvarga qadar davom etadi va jamoa 20 yanvar kuni tayyorgarlikning ikkinchi bosqichini o‘tash uchun Turkiyaning Antaliya shahriga jo‘nab ketadi.
Turkiya yig‘inlari doirasida "Lokomotiv" 6ta sinov-nazorat o‘yinlarida qatnashadi. Hozircha shulardan ikki o‘yinning raqibi va sanasi aniq:
22.01.2023
"Lokomotiv" - "Krasnodar-2" (Rossiya)
27.01.2023
"Lokomotiv" - KF "Dukadjini" (Kosovo)
