Madridning “Real” klubi haligacha yarim himoyachisi Marko Asensioga yangi shartnoma taklif qilmadi.
Relevo nashri xabariga ko‘ra, futbolchining o‘zi "Santyago Bernabeu"da qolishni istamoqda, biroq "qirollik klubi" unga haligacha yangilangan shartnoma taklif qilmadi, garchi klub buni yil oxirigacha bajarishga va’da bergan bo‘lsa ham.
Eslatib o‘tamiz, Asensio shartnomani uzaytirmasa, kelasi yozda erkin agentga aylanadi. Marko so‘nggi paytlarda "Real"da muntazam o‘ynamayapti, ammo shunga qaramay, yarim himoyachi yangi shartnoma taklifini qabul qilishga tayyor.
Joriy mavsumda Asensio Ispaniya chempionatida bitta gol urdi va ikkita golli uzatmaga mualliflik qildi.
