Frenk Lempardning "Everton"dagi faoliyati oson kechayotgani yo‘q. U uzoq davr mobaynida bosim ostida ishlashga majbur bo‘lmoqda. O‘tgan mavsumda bir nechta muhim g‘alabalar bilan mersisaydliklar APLda qolishga muvaffaq bo‘lgandi. Ammo bu mavsum yana jon saqlash ishlari boshlanib ketdi. Bunda Lempard aybdor qilinishi tayin, albatta.

Noyabrdagi "Bornmut"ga qarshi mag‘lubiyatdan keyin Lempard shunday degandi: "Muxlislarimizning xafsalasi pir bo‘lmoqda. Bunga ularning haqqi bor. Bu haftada ikki bor mag‘lub bo‘ldik va natija uchun hech qanday bahona keltira olmaymiz. Muxlislar bizdan kutayotgan narsani ularga bera olmayapmiz. Bu mening aybim. Bugun ham ular haq".

"Everton" kuni kecha yana bir qaqshatqich mag‘lubiyatga duchor bo‘ldi. Ular o‘z uyida autsayder bo‘lgan "Vulverxempton"ga 1-2 hisobida imkoniyatni boy berdi. "Everton" hozirda gollar nisbati evaziga xavfli hududdan tashqarida turibdi xolos. Quyida Frenk Lemardning "Everton"ga kelganidan buyon APL jadvali qanday o‘zgargani bayon etiladi.

Eslatma: quyida faqat so‘nggi bir yil davomida APLda bo‘lgan 17 jamoa nomi berilgan. O‘tgan mavsumda turnirni tark etgan "Byornli", "Uotford" va "Norvich" hamda ularni o‘rnini egallagan "Nottingem", "Fulxem" va "Bornmut" hisobga olinmagan (2022-yil yanvar, 2022 yil dekabr).

1. "Arsenal" - 32 ta o‘yin, 73 ochko, +29.
2. "Liverpul" - 31 o‘yin, 69 ochko, +42.
3. "Manchester Siti" - 29 o‘yin, 68 ochko, +58.
4. "Nyukasl" - 33 o‘yin, 66 ochko, +25.
5. "Tottenxem" - 34 o‘yin, 65 ochko, +37.
6. "Chelsi" - 28 o‘yin, 48 ochko, +13.
7. "Kristal Pelas" - 31 o‘yin, 46 ochko, +1.
8. "MYU" - 30 o‘yin, 46 ochko, -4.
9. "Brayton" - 31 o‘yin, 45 ochko, +4.
10. "Brentford" - 31 o‘yin, 43 ochko, +2.
11. "Lester Siti" - 34 o‘yin, 43 ochko, -2.
12. "Aston Villa" - 33 o‘yin, 37 ochko, -6.
13. "Everton" - 34 o‘yin, 34 ochko, -19.
14. "Vest Xem Yunayted" - 31 o‘yin, 33 ochko, -8.
15. "Lids Yunayted" - 31 o‘yin, 31 ochko, -25.
16. "Vulverxempton" - 33 o‘yin, 30 ochko, -23.
17. "Sautgempton" - 32 o‘yin, 27 ochko, -32.

ISMATOV J.