Фрэнк Лэмпарднинг "Эвертон"даги фаолияти осон кечаётгани йўқ. У узоқ давр мобайнида босим остида ишлашга мажбур бўлмоқда. Ўтган мавсумда бир нечта муҳим ғалабалар билан мерсисайдликлар АПЛда қолишга муваффақ бўлганди. Аммо бу мавсум яна жон сақлаш ишлари бошланиб кетди. Бунда Лэмпард айбдор қилиниши тайин, албатта.

Ноябрдаги "Борнмут"га қарши мағлубиятдан кейин Лэмпард шундай деганди: "Мухлисларимизнинг хафсаласи пир бўлмоқда. Бунга уларнинг ҳаққи бор. Бу ҳафтада икки бор мағлуб бўлдик ва натижа учун ҳеч қандай баҳона келтира олмаймиз. Мухлислар биздан кутаётган нарсани уларга бера олмаяпмиз. Бу менинг айбим. Бугун ҳам улар ҳақ".

"Эвертон" куни кеча яна бир қақшатқич мағлубиятга дучор бўлди. Улар ўз уйида аутсайдер бўлган "Вулверхэмптон"га 1-2 ҳисобида имкониятни бой берди. "Эвертон" ҳозирда голлар нисбати эвазига хавфли ҳудуддан ташқарида турибди холос. Қуйида Фрэнк Лэмарднинг "Эвертон"га келганидан буён АПЛ жадвали қандай ўзгаргани баён этилади.

Эслатма: қуйида фақат сўнгги бир йил давомида АПЛда бўлган 17 жамоа номи берилган. Ўтган мавсумда турнирни тарк этган "Бёрнли", "Уотфорд" ва "Норвич" ҳамда уларни ўрнини эгаллаган "Ноттингем", "Фулхэм" ва "Борнмут" ҳисобга олинмаган (2022-йил январь, 2022 йил декабрь).

1. "Арсенал" - 32 та ўйин, 73 очко, +29.
2. "Ливерпул" - 31 ўйин, 69 очко, +42.
3. "Манчестер Сити" - 29 ўйин, 68 очко, +58.
4. "Ньюкасл" - 33 ўйин, 66 очко, +25.
5. "Тоттенхэм" - 34 ўйин, 65 очко, +37.
6. "Челси" - 28 ўйин, 48 очко, +13.
7. "Кристал Пэлас" - 31 ўйин, 46 очко, +1.
8. "МЮ" - 30 ўйин, 46 очко, -4.
9. "Брайтон" - 31 ўйин, 45 очко, +4.
10. "Брентфорд" - 31 ўйин, 43 очко, +2.
11. "Лестер Сити" - 34 ўйин, 43 очко, -2.
12. "Астон Вилла" - 33 ўйин, 37 очко, -6.
13. "Эвертон" - 34 ўйин, 34 очко, -19.
14. "Вест Хэм Юнайтед" - 31 ўйин, 33 очко, -8.
15. "Лидс Юнайтед" - 31 ўйин, 31 очко, -25.
16. "Вулверхэмптон" - 33 ўйин, 30 очко, -23.
17. "Саутгемптон" - 32 ўйин, 27 очко, -32.

ИСМАТОВ Ж.