"Manchester Yunayted" klubi darvozabon David de Xea bilan yangi shartnoma imzolashga yaqin turibdi, deya xabar beradi jurnalist Fabrisio Romano.
Manba bergan xabarga ko‘ra, klub futbolchining agentlari bilan muzokara o‘tkazgan va shartnoma shartlarini kelishib olgan. Uning amaldagi shartnomasi 2023 yilning yoziga qadar mo‘ljallangan. Yangi kelishuv 2 yoki 3 yilga ish haqi kamayishi bilan amal qiladi.
De Xea "Manchester Yunayted"da 2011 yildan buyon to‘p suradi. 32 yoshli ispaniyalik futbolchi joriy mavsumda 20 ta o‘yinda maydonga tushib, 23 ta gol o‘tkazib yuborgan.
