Hujumchi Krishtianu Ronaldu “An-Nasr” bilan ikki yillik shartnoma imzolashni rejalashtirmoqda. U yiliga 70 million yevro oladi, deya xabar beradi CBC Sport.

Avvalroq OAVda Saudiya Arabistonida 37 yoshli futbolchi yiliga 200 million yevro ishlab olishi haqida xabarlar tarqalgandi. Biroq “An-Nasr” prezidenti Musli al-Muammar bu mish-mishlarni inkor etib, OAV ko‘plab yolg‘on ma’lumotlar tarqatganini ta’kidladi.

26 dekabr kuni Saudiya Arabistoni klubi portugaliyalikni tibbiy ko‘rikdan o‘tkazishni rejalashtirgani ma’lum bo‘ldi.

Noyabr oyida hujumchi "Manchester Yunayted" bilan shartnomasini bekor qildi va hozirda erkin agent maqomida.