Leo Messining "PSJ" bilan shartnomasi iyun oyida nihoyasiga yetadi. Uning kelajagi haqidagi savol klubning kun tartibidagi savollardan biri bo‘lib qolmoqda va u kelajagi haqida yaqin haftalarda qaror qilishi kerak.
Keling, argentinalikning holati bo‘yicha so‘nggi yangiliklarni ko‘rib chiqamiz.
Messining hozirgi holati
Leoning shartnomasi kelasi yilning iyun oyida tugaydi va u kelasi yilning 1 yanvaridan o‘zi xohlagan klub bilan shartnoma imzolashi mumkin bo‘ladi.
Messining pozisiyasi
Leo Messi va uning butun oilasi Parijda maroqli dam olmoqda va u yerda qolishga qarshi emas. Boz ustiga, "PSJ" Messiga juda yaxshi formani saqlab qolishga imkon berdi, buning evaziga u jahon chempionligini qo‘lga kiritdi.
"PSJ" pozisiyasi
Parijliklar rahbarlarining Messi bilan shartnomani uzaytirish niyati tushunarli. "PSJ" allaqachon futbolchining otasi bilan bog‘langan. Messi oilasida ayni vaqtda aniq taklif bor.
"PSJ" Messidan nimani kutmoqda?
"PSJ" Leoning keyingi klubi haqidagi har xil mish-mishlarga yo‘l qo‘ymaslik uchun kelishuvni imkon qadar tezroq yakunlamoqchi. Fevral oyida Chempionlar ligasi boshlanishidan oldin bu amalga oshirilsa, klub xursand bo‘ladi.
Klublar harakat qilishga tayyor
"Inter Mayami", "Barselona" va boshqa klublar Leo bilan shartnoma imzolashga tayyor. MLS klubi allaqachon Leoga ikki mavsumlik shartnoma taklif qilgan.
