Qarshining "Nasaf" jamoasi yangi mavsumga tayyorgarlik doirasida Buxoroning “Buxoro” jamoasi bilan kuch sinashdi. Dastlabki bellashuvda qarshiliklar 5:1 hisobida yirik g‘alaba qozonishdi. Uchrashuvda dastlab hisobni mehmonlar futbolchisi Rustam Abduhamidov ochdi. Mehmonlarning yagona goliga Oybek Bozorov, Bahrom Abdirahimov, Husniddin Aliqulov (2 ta) va G‘olib G‘aybullayevlar o‘z gollari bilan javob berishdi.
Ikkinchi uchrashuvda ham vakillarimiz 2:0 hisobida g‘alaba qozonishdi. Uchrashuvdagi har ikkala golga Bobir Abdixoliqov mualliflik qildi.
Shu bilan “ajdarlar” kichik tanaffusga chiqishdi. Jamoa a’zolari 4 yanvar kuni Qarshidagi qarorgohlarida yig‘ilib, tayyorgarlikni davom ettirishadi.
