Olivye Jiru "Milan" bilan shartnomasini uzaytiradi
Daily Mail nashrining La Gazette Dello Sport nashriga tayanib xabar berishicha, hujumchi va klub shartnomani 2024 yilgacha uzaytirish borasida kelishuvga erishgan. Amaldagi shartnoma joriy mavsum oxirigacha amal qiladi.
Tomonlar yaqin kunlarda tafsilotlarni hal qiladi. “Milan” yanvar oyida shartnoma uzaytirilishini rasman e’lon qiladi.
Jiru Italiya klubiga 2021 yilda kelib qo‘shilgan edi. A Seriyaning joriy mavsumida u 13 ta o‘yinda maydonga tushib, 5 ta gol urdi va 3 ta golli uzatmani amalga oshirdi.
