Portugaliyalik hujumchi Joau Feliks joriy mavsum oxirigacha Madridning “Atletiko” klubida qolishi mumkin. Bu haqda Relevo xabar bermoqda.

23 yoshli futbolchi transfer bozorida talabga ega, biroq uning transfer narxining yuqoriligi bu transferga xalaqit berdi. “Matraschilar” Feliksni sotishdan taxminan 130-140 million yevro olmoqchi. Joauga da’vo qilayotgan klublarning hech biri bunday summadan voz kechishga tayyor emas.

Oldinroq portugaliyalik futbolchiga "Arsenal", "Chelsi" va "Manchester Yunayted"dan qiziqish borligi haqida xabarlar tarqalgan edi.

Hujumchi joriy mavsum La Liganing 13 o‘yinida 4 ta gol urdi va 3 ta golli uzatmani amalga oshirdi.