David De Xea "Manchester Yunayted"ning "Bornmut" ustidan qozonilgan g‘alabasi (3:0) haqida fikr bildirdi.

“O‘z darvozang daxlsizligini saqlab qolib ajoyib tuyg‘u. Butun jamoa bunga loyiq edi. Masalan, markaziy himoyachilarni almashtirdik va ular juda yaxshi o‘ynashdi, shuning uchun kim o‘ynashining ahamiyati yo‘q.

Biz jamoa sifatida o‘zimizni ajoyib his qilyapmiz, hamma bir yo‘nalishda harakat qilmoqda, 100 foiz o‘ynayapti va mashg‘ulot o‘tkazmoqda, bunday jamoani ko‘rish ajoyib. Biz uchun bu juda muhim va u yoki bu uchrashuvda kim o‘ynashi muhim emas. Hamma o‘ynashga tayyor, almashtirishlar ham ajoyib bo‘ldi, men barcha o‘yinchilardan mamnunman, biz haqiqatdan ham yaxshi ishlayapmiz", - dedi "Manchester Yunayted" darvozaboni klub televideniyesiga bergan intervyusida.

"Manchester Yunayted" APLning 19-turi doirasida "Bornmut"ni mag‘lub etdi. O‘tkazilgan 17 o‘yin natijasiga ko‘ra, jamoa 35 ochko bilan turnir jadvalida 4-o‘rinni egallab turibdi.