Italiya futbol federasiyasi rasmiy saytida milliy chempionatning 17-turidan o‘rin olgan barcha o‘yinlar 1990 yilgi jahon chempionati bronza medali sovrindori Janluka Vialli xotirasiga bir daqiqalik sukut saqlash bilan boshlanishini malum qildi.
Sobiq futbolchi bugun, 6 yanvar kuni oshqozon osti bezi saratonidan vafot etdi. Vialli 2017 yildan beri kasallik bilan kurashib kelayotgan edi. 2022 yil dekabr oyi oxirida uning ahvoli keskin yomonlashdi.
“Men oxirigacha u yana bir mo‘’jiza ko‘rsatishiga umid qilgandim. Uning Italiya futboli uchun qilgan ishlari hech qachon unutilmaydi. Janluka ajoyib inson edi va u to‘ldirib bo‘lmaydigan bo‘shliqni qoldiradi", - deya tashkilot prezidenti Gabriele Gravinaning so‘zlaridan iqtibos keltiradi Italiya futbol federasiyasi matbuot xizmati.
Vialli Italiya terma jamoasi safida 59 ta o‘yin o‘tkazib, 1988 yilgi Yevropa chempionatida, 1990 yilgi jahon chempionatida bronza medalini qo‘lga kiritgan.
