"Everton" bosh murabbiyi Frank Lempard jamoaning APLdagi o‘rni haqida fikr bildirdi.
Avvalroq angliyalik mutaxassis jamoadan chetlatishga yaqin ekani haqida xabar berilgandi.
"Men bu yerga ko‘zimni katta ochib keldim. Men katta yigitman. Men hech narsadan qo‘rqmayman. O‘tgan yili bu yerga kelganimda Premyer-ligada qolish uchun kurashayotgandik. Haqiqat shunday. Risharlison yozda ketdi, biz tarkibni qayta tiklashimiz kerak edi. Biz o‘tgan mavsumdagi kabi ishni hozir qilishimiz kerak. Bizni qiyin paytlarda qo‘llab-quvvatlaydigan ishtiyoqli muxlislarimiz bor. Muxlislar bilan hech qanday muammom yo‘q. Biz o‘rnimizdan turishimiz va "Everton" uchun o‘ynashimiz kerak. Men bu klubda muvaffaqiyatga erishmoqchiman. Qanday qiyinchiliklar paydo bo‘lmasin, men ularni boshimni baland ko‘targan holda qabul qilaman va ulardan zavqlanaman. Menga bu klubda ishlash yoqadi, bu men uchun katta sharaf", - dedi Lempard The Guardian bilan suhbatda.
APLning 19-turida "Brayton"dan mag‘lub bo‘lgan (1:4) "Everton" g‘alabasiz seriyasini 7 o‘yinga yetkazdi. Jamoa 18 turdan keyin 15 ochko to‘plagan holda Premyer-ligada 18-o‘rinni egallab turibdi.
