Madridning “Atletiko”, “Inter” va Braziliya terma jamoasining sobiq himoyachisi Joau Miranda ijtimoiy tarmoq orqali futbolchilik faoliyatini yakunlaganini ma’lum qildi.

"Vaqt keldi. Meni qo‘llab-quvvatlagan barchaga alohida rahmat. Futbolga katta rahmat!”, — deb yozadi Miranda.

38 yoshli Miranda “San-Paulu” safida uch karra Braziliya chempioni hisoblanadi. "Atletiko" tarkibida u Ispaniya chempioni, Ispaniya kubogi va Superkubogi sohibi, Yevropa ligasi g‘olibi, UYEFA Superkubogi g‘olibi va Chempionlar ligasi finalchisiga aylandi. “Szyansu Sunin” jamoasida to‘p surgan himoyachi Xitoy chempionligini qo‘lga kiritdi.

Miranda Braziliya terma jamoasi safida Amerika kubogi g‘olibi hisoblanadi. U 2009 yilda terma jamoada debyut qilgan, 58ta o‘yin o‘tkazib, 3ta gol urgan.