"Andijon" bosh murabbiyi Aleksandr Xomyakov "Dinamo"ga qarshi uchrashuvidan keyin ortda qolgan yig‘in xususida fikrlari bilan o‘rtoqlashdi.

— Aleksandr Andreevich, o‘yindan qanday taassurot oldingiz?
— Qiziqarli jamoaga qarshi qiziqarli o‘yin. Yig‘inimizni yakunladik, shuning uchun hamma narsa xayron qoldirdi, deya olmayman. 20 kunni tog‘da o‘tkazdik, ob-havo ko‘ngildagidek ishlashga biroz xalaqit berdi. Ammo reja qilingan deyarli barcha o‘yinlarni o‘tkazdik. Optimal holatni qo‘shyapmiz va ishimizda nimadir ko‘rinyapti. Kamchiliklar ustida endi Turkiyadagi yig‘inimizda ishlaymiz.

— Tarkibdagi yangi futbolchilarning harakatlari sizni qanchalik qoniqtiryapti?
— Bir qator o‘yinchilarni kuzatdik, endi kimlarni olib qolishni o‘ylab ko‘ramiz. Pozisiya bo‘yicha kuchaytirishimiz kerak. Turkiya yig‘inida legionerlar orqali kerakli joylarni to‘ldirishga harakat qilamiz. Yangi futbolchilar yomon emas, potensiali borlarini tavsiya qildim.

— Umuman olganda, bosh murabbiy sifatida Dukent yig‘inidan ko‘nglingiz to‘ldimi?
— Ha, yig‘indan to‘la qoniqdim. Fors-major holatini inobatga olmaganda, to‘liq yaxshi o‘tkazdik. Maydonda ishlash imkoni bo‘lmadi. Lekin buning o‘rnini zalda va yugurish yo‘lakchalari orqali to‘ldirdik. Bir so‘z bilan aytganda, yig‘indan qoniqdim.

"Andijon" matbuot xizmati.