“Nijniy Novgorod” Toshkentning “Olimpik” klubi hujumchisi Ruslanbek Jiyanovga qiziqish bildirmoqda, deb xabar beradi Metaratings.ru.

Manbaga ko‘ra, "Nijniy Novgorod" klubi O‘zbekiston futbol bozorini faol o‘rganmoqda.Ta’kidlanishicha, Jiyanovning transferi katta ehtimol bilan yozda amalga oshadi.

21 yoshli Jiyanov o‘tgan mavsumda O‘zbekiston chempionatida 25ta o‘yinda maydonga tushib, 5ta gol urdi va 4ta golli uzatmani amalga oshirdi. 2022 yilning noyabr oyida Ruslanbek O‘zbekiston milliy terma jamoasi safida Rossiyaga qarshi o‘yinda debyut qilgandi. Transfermarkt portali futbolchining narxini 400 ming yevroga baholamoqda.

"Nijniy Novgorod" 17 o‘yinda 19 ochko bilan RPL turnir jadvalida 12-o‘rinda bormoqda.

Ma’lumot o‘rnida, hozirda novgorodliklar safida himoyachimiz Ibrohimxalil Yo‘ldoshev ham to‘p surmoqda.