“Нижний Новгород” Тошкентнинг “Олимпик” клуби ҳужумчиси Русланбек Жияновга қизиқиш билдирмоқда, деб хабар беради Metaratings.ru.
Манбага кўра, "Нижний Новгород" клуби Ўзбекистон футбол бозорини фаол ўрганмоқда.Таъкидланишича, Жияновнинг трансфери катта эҳтимол билан ёзда амалга ошади.
21 ёшли Жиянов ўтган мавсумда Ўзбекистон чемпионатида 25та ўйинда майдонга тушиб, 5та гол урди ва 4та голли узатмани амалга оширди. 2022 йилнинг ноябрь ойида Русланбек Ўзбекистон миллий терма жамоаси сафида Россияга қарши ўйинда дебют қилганди. Transfermarkt портали футболчининг нархини 400 минг еврога баҳоламоқда.
"Нижний Новгород" 17 ўйинда 19 очко билан РПЛ турнир жадвалида 12-ўринда бормоқда.
Маълумот ўрнида, ҳозирда новгородликлар сафида ҳимоячимиз Иброҳимхалил Йўлдошев ҳам тўп сурмоқда.
