“Andijon” jamoasi 27 yanvardan 17 fevralga qadar Turkiyaning Antaliya shahrida o‘quv-mashg‘ulot yig‘inini o‘tkazadi.

Ushbu tayyorgarlik bosqichi doirasida bir qator nazorat o‘yinlari o‘tkazilishi rejalashtirilgan.

Hozirda 4 ta nazorat uchrashuvlari ma’lum bo‘lib ulgurdi.

Jamoaning Antaliyadagi dastlabki o‘yini 31 yanvarda bo‘lib o‘tadi. Shu kuni Ruminiyaning “Chiksereda” "Andijon" uchun sparring-raqib vazifasini bajaradi.

"Andijon"ning navbatdagi nazorat uchrashuvi 3 fevral kuniga belgilangan bo‘lib, Rossiya Premyer-ligasi vakili Voronejning “Fakel” jamoasiga qarshi maydonga tushadi.

12 fevral kuni esa "Andijon" ikkita o‘rtoqlik uchrashuvini o‘tkazadi. Dastlab Rossiya birinchi divizion qatnashchisi hisoblangan Moskvaning “Veles” klubiga qarshi o‘yin o‘tkazilsa, kunning ikkinchi yarmida Ruminiyaning oliy divizion qatnashchisi “Samtredia” jamoasiga qarshi bahs bo‘lib o‘tadi.

"Bulardan tashqari, yana bir qator o‘rtoqlik bellashuvlari ham tashkillashtiriladi. Qolgan raqiblar nomi ma’lum bo‘lishi bilanoq bu borada rasmiy sahifalarimiz orqali xabar beramiz" - deyiladi "Andijon" klubining rasmiy bayonotida.