"Lasio" bosh murabbiyi Maurisio Sarri Italiya chempionati doirasida "Milan"ga qarshi o‘yin oldidan fikr bildirdi.
"Avvalo, biz Italiya chempioni bilan to‘qnash kelishimizni unutmasligimiz kerak. Ular bilan har doim qiyin bo‘lgan va bu safar oson bo‘ladi deb o‘ylay olmaymiz. "Milan" odatdagidan ko‘ra ko‘proq motivasion jamoa bo‘ladi. Bu o‘yin biz uchun ajoyib imkoniyat. Biz bu imkoniyatdan foydalanishimiz kerak", - dedi Sarri o‘yinoldi matbuot anjumanida.
"Umid qilamanki, biz o‘tgan mavsumga nisbatan o‘sdik. Bitta o‘yin doirasida biz hamma bilan raqobatlasha olamiz. Ertaga saviyamiz qanday o‘zgarganini ko‘ramiz", - deya qo‘shimcha qildi murabbiy.
"Lasio" – "Milan" uchrashuvi 25 yanvar kuni Toshkent vaqti bilan soat 00:45da boshlanadi.
