Mundo Deportivo xabariga ko‘ra, Angliyaning "Lester" klubi o‘z qanot hujumchisi Ayosa Peresni Ispaniyaning "Real Betis"iga ijaraga berishga rozi bo‘ldi. Tomonlar futbolchi uchun joriy mavsum oxirigacha ijara shartnomasi tuzmoqchi.
Qolaversa, "tulkilar" futbolchining transferi uchun ispanlardan hech qanday mablag‘ talab qilmaydi, hatto unga maosh ham to‘laydi, lekin qisman.
Eslatib o‘tamiz, Brendan Rojers boshchiligidagi "Lester Siti" bu mavsumda yomon harakat qilmoqda va 18 ochko bilan Premyer-liga turnir jadvalida bor-yo‘g‘i 14-o‘rinda bormoqda.