La Gazette Dello Sport xabariga ko‘ra, "Roma" himoyachisi Rik Karsdorpga "Feyenoord" qiziqish bildirmoqda.

Niderlandiya klubi 27 yoshli futbolchini ijaraga olishga tayyor. Biroq "Feyenoord" Rimda yiliga 2 million oladigan himoyachining maoshini to‘liq o‘z zimmasiga olmoqchi emas.

Oldinroq futbolchi rimliklar bosh murabbiyi Joze Mourinyoning rejalariga kiritilmagani, himoyachining agenti esa portugaliyalik mutaxassisni tanqid qilgani haqida xabar berilgandi.

Karsdorp joriy mavsumda “Roma” safida 11 ta o‘yinda maydonga tushdi. Transfermarkt portali futbolchining narxini 9 million yevroga baholamoqda.