La Gazette Dello Sport хабарига кўра, "Рома" ҳимоячиси Рик Карсдорпга "Фейеноорд" қизиқиш билдирмоқда.
Нидерландия клуби 27 ёшли футболчини ижарага олишга тайёр. Бироқ "Фейеноорд" Римда йилига 2 миллион оладиган ҳимоячининг маошини тўлиқ ўз зиммасига олмоқчи эмас.
Олдинроқ футболчи римликлар бош мураббийи Жозе Моуриньонинг режаларига киритилмагани, ҳимоячининг агенти эса португалиялик мутахассисни танқид қилгани ҳақида хабар берилганди.
Карсдорп жорий мавсумда “Рома” сафида 11 та ўйинда майдонга тушди. Transfermarkt портали футболчининг нархини 9 миллион еврога баҳоламоқда.
