"Chelsi" yarim himoyachi Ngolo Kante bilan muzokaralarni davom ettirmoqda, deb xabar beradi L'Equipe.
Manbaga ko‘ra, muzokaralar qaysi bosqichda ekani hozircha ma’lum emas. Futbolchi ayni damda tizzasidan olgan jarohatidan forig‘ bo‘lmoqda.
Oldinroq "Chelsi" futbolchi bilan xayrlashishga tayyorligi va uning o‘rniga munosib o‘rinbosar qidirayotgani xabar qilingandi. Futbolchining o‘zi esa "Barselona"dan taklif kutmoqda.
31 yoshli Kante 2016 yildan buyon "Chelsi"da to‘p suradi. U ingliz klubi safida jami 262 ta o‘yin o‘tkazib, 13 ta gol urgan va 15 ta golli uzatmani amalga oshirgan.













