"Челси" ярим ҳимоячи Нголо Канте билан музокараларни давом эттирмоқда, деб хабар беради L'Equipe.
Манбага кўра, музокаралар қайси босқичда экани ҳозирча маълум эмас. Футболчи айни дамда тиззасидан олган жароҳатидан фориғ бўлмоқда.
Олдинроқ "Челси" футболчи билан хайрлашишга тайёрлиги ва унинг ўрнига муносиб ўринбосар қидираётгани хабар қилинганди. Футболчининг ўзи эса "Барселона"дан таклиф кутмоқда.
31 ёшли Канте 2016 йилдан буён "Челси"да тўп суради. У инглиз клуби сафида жами 262 та ўйин ўтказиб, 13 та гол урган ва 15 та голли узатмани амалга оширган.
