"Chelsi" Enso Fernandesni qo‘lga kiritish uchun yana bir urinib ko‘radi.
Record xabariga ko‘ra, yarim himoyachi transferga klubni majburlamaydi va bor e’tiborini "Benfika"ga qaratadi, chunki u "Chelsi"ga o‘tish imkoniyati kamligini tushunadi.
Shuningdek, “Benfika” futbolchiga sodiqlik bonusi sifatida 2 million yevro to‘lashga tayyorligi xabar qilingan.
Yanvar oyida "Chelsi" Enso Fernandesni sotib olishga urinib ko‘rdi, ammo klublar transfer narxi bo‘yicha kelisha olishmadi.
Ensoning "Benfika" bilan munosabatlari futbolchi dekabr oyi oxirida bosh murabbiy Rojer Shmidtning ruxsatisiz Argentinaga uchib ketganidan keyin yomonlashgani haqida xabar berilgandi.
