«Everton» yarim himoyachisi Entoni Gordon bugungi jamoa mashg‘ulotlarini o‘tkazib yubordi. Eslatib o‘tamiz, angliyalik futbolchi chempionatda uchinchi o‘rinda borayotgan «Nyukasl»ga o‘tishga yaqin turibdi.

Sky Sports xabariga ko‘ra, futbolchi bugungi mashg‘ulotlarda qatnashmagan. «N’yukasl» 21 yoshli Gordonning transferi uchun 60 million yevrodan ko‘proq to‘lashga tayyor. Avvalroq, futbolchiga Londonning «Chelsi» klubi ham qiziqayotgan edi, biroq yozda kelishuv amalga oshmadi.

Eslatib o‘tamiz, hozirda Entoni to‘p tepayotgan «Everton» Angliya premyer-ligasida so‘nggi o‘rinni egallab turibdi. Gordon joriy mavsumda 3 ta gol urdi.