Avstraliya ochiq chempionatida g‘alaba qozonib, «katta dubulg‘a» turkumiga kiruvchi turnirlarning 22 karra chempioni bo‘lgan Novak Jokovich musobaqa so‘nggida fikr bildirdi.
Hal qiluvchi bahsda Jokovich Stefanos Sisipasni 6:3, 7:6 (7:4), 7:6 (7:5) hisobida mag‘lub etdi.
«Stefanosning so‘zlari juda ta’sirli bo‘ldi. Men buni juda qadrlayman. Maydonda biz raqibmiz, lekin bu bir-birimizni hurmat qilmasligimiz kerak degani emas.
Stefanos, seni ajoyib turnir, ushbu jang bilan tabriklayman. Bu, albatta, sen uchun oxirgi final emas. Sisipas jamoasi uni kuchli sportchiga aylantirish uchun ko‘p vaqt sarfladi.
Jamoam va oilam uchun ajoyib sayohat bo‘ldi. Men hech narsani oddiy deb qabul qilmayman. Ko‘pchilik mening fe’l-atvorimning salbiy tomonlarini ko‘rsatishni yaxshi ko‘radi, lekin sizlar doim men tomondasiz. Demak, bu kubok men kabi sizga ham qadrlidir!
