«Kremoneze» bosh murabbiyi Davide Ballardini Italiya kubogi 1/4 finalida «Roma» ustidan qozonilgan g‘alaba (2:1) haqida fikr bildirdi.
«Roma»ga qarshi yaxshi o‘yin o‘tkazdik, ular ajoyib jamoa va ularni mag‘lub etish uchun omad ham kerak bo‘ldi.
Biz jamoaviy harakat bilan buni uddaladik. Kubok va chempionatning keyingi o‘yinlarida ham bugun ko‘rsatgan tempni saqlab qolishga harakat qilamiz.
Muxlislar har doim tribunaga sifatli futbol uchun kelishadi - shuning uchun bizda to‘p bo‘lsa, o‘ynashga majburmiz», - deya Ballardinining so‘zlaridan iqtibos keltiradi klub matbuot xizmati.
Eslatib o‘tamiz, yarim finalda «Kremoneze» «Fiorentina» bilan kuch sinashadi. Birinchi o‘yin 5 aprel kuni, javob o‘yini esa 26 aprel kuni bo‘lib o‘tadi.
