Lionel Messi va "PSJ" shartnomani uzaytirmoqchi.

Argentina va Fransiya terma jamoalari to‘qnash kelgan JCH-2022 finali oldidan Messining atrofidagilar “PSJ” vakillari bilan muzokaralar olib borishdi.

Shundan so‘ng tomonlar hamkorlikni davom ettirishga og‘zaki kelishib oldilar – qolgani uchrashish va yangi shartnoma imzolash edi. Ushbu yig‘ilishda shartnoma muddati, ish haqi va yakuniy tafsilotlarni muhokama qilish kerak edi.

Jurnalist Fabrisio Romanoning yozishicha, Messi vakillari va "PSJ" rahbariyati o‘rtasidagi ushbu uchrashuv fevral oyida bo‘lib o‘tadi.

Futbolchining agentlari parijliklar rahbariyati bilan shaxsiy uchrashuv o‘tkazish uchun Parijga uchib kelishadi va uning davomida shartnomani uzaytirish bo‘yicha muzokaralar olib boriladi. Bungacha klub va futbolchi vakillari o‘rtasidagi barcha muloqotlar onlayn tarzda amalga oshirilardi.

Tomonlar hamkorlikni davom ettirmoqchi va tezroq yangi shartnoma imzolamoqchi. Ayni paytda Messining boshqa klublar bilan muzokaralari yo‘q - faqat "PSJ" bilan.

Joriy mavsumda argentinalik futbolchi "PSJ" safida barcha turnirlar doirasida 23 o‘yinda 14 ta gol va 14 ta golli uzatmaga mualliflik qilgan.