Лионель Месси ва "ПСЖ" шартномани узайтирмоқчи.
Аргентина ва Франция терма жамоалари тўқнаш келган ЖЧ-2022 финали олдидан Мессининг атрофидагилар “ПСЖ” вакиллари билан музокаралар олиб боришди.
Шундан сўнг томонлар ҳамкорликни давом эттиришга оғзаки келишиб олдилар – қолгани учрашиш ва янги шартнома имзолаш эди. Ушбу йиғилишда шартнома муддати, иш ҳақи ва якуний тафсилотларни муҳокама қилиш керак эди.
Журналист Фабрицио Романонинг ёзишича, Месси вакиллари ва "ПСЖ" раҳбарияти ўртасидаги ушбу учрашув февраль ойида бўлиб ўтади.
Футболчининг агентлари парижликлар раҳбарияти билан шахсий учрашув ўтказиш учун Парижга учиб келишади ва унинг давомида шартномани узайтириш бўйича музокаралар олиб борилади. Бунгача клуб ва футболчи вакиллари ўртасидаги барча мулоқотлар онлайн тарзда амалга ошириларди.
Томонлар ҳамкорликни давом эттирмоқчи ва тезроқ янги шартнома имзоламоқчи. Айни пайтда Мессининг бошқа клублар билан музокаралари йўқ - фақат "ПСЖ" билан.
Жорий мавсумда аргентиналик футболчи "ПСЖ" сафида барча турнирлар доирасида 23 ўйинда 14 та гол ва 14 та голли узатмага муаллифлик қилган.
