Ko‘pchilikni bitta savol qiziqtirishi mumkin: 82 yoshida hayotdan ko‘z yumgan futbol qiroli - Pele nega Yevropada o‘ynagan emas?
Nima, «ko‘hna qit’a» klublari unga qiziqmaganmi? Yo‘q, Peleni yevrofutbolga chorlashgan, albatta. Lekin uning ko‘chib o‘tishiga hukumat darajasidagi farmon to‘sqinlik qilgan ekan.
Pele 1961 yili «Santos» safidagi 210ta o‘yinda 230tadan ortiq gol urgach, Yevropaning eng kuchli klublari uni o‘z safida ko‘rishni xohlagan.
Biroq Braziliya prezidenti Janiu Kuadrus futbolchini xorij klubiga sotishni taqiqlovchi farmonga imzo chekadi. Bu Pelening mamlakat uchun naqadar muhim ahamiyatga ega bo‘lganidan dalolat, albatta.
Pele shu tariqa 18 yil davomida «Santos» sharafini himoya qiladi. Faqat 35 yoshga to‘lganidan keyin unga faoliyatini AQSHda yakunlash uchun ruxsat berishadi.
