"Manchester Yunayted" Viktor Osimxen va Xarri Keynni qo‘lga kirita olmasa, zaxira variantiga o‘tadi. The Telegraph xabariga ko‘ra, mankunianliklar "Roma" hujumchisi Temmi Abraxamni kuzatib bormoqda.
"Qizil iblislar" bosh murabbiyi Erik ten Xag hujum chizig‘ini kuchaytirmoqchi, jarohatidan aziyat chekayotgan fransiyalik hujumchi Antoni Marsyal esa mavsum oxirida sotilishi kerak.
Abraxam joriy mavsumda "Roma" safida barcha turnirlar doirasida 28 ta o‘yinda maydonga tushib, 7 ta gol urdi va 4 ta golli uzatmani amalga oshirdi. Transfermarkt portali hujumchini 45 million yevroga baholamoqda.
