Germaniya kubogi 1/8 finalida Dortmundning «Borussiya» klubi «Boxum»ni mag‘lub etdi (2:1).
«Qora-sariqlar» qishki tanaffusdan buyon 11 yil ichida birinchi marta ketma-ket 5 uchrashuvda g‘alaba qozonishdi.
2012 yilda Yurgen Klopp qo‘l ostida «Borussiya Dortmund»ning xuddi shu muddatdagi g‘alabali seriyasi 8 o‘yinni tashkil qilgan.
Dortmundliklar o‘sha mavsumda oltin dubl qayd etib, Bundesliga va Germaniya kubogini qo‘lga kiritgandilar.
Germaniya chempionatining 19-turidan keyin «Borussiya» peshqadam «Bavariya»dan 3 ochko ortda qolgan holda turnir jadvalida 3-o‘rinda bormoqda.
