Германия кубоги 1/8 финалида Дортмунднинг «Боруссия» клуби «Бохум»ни мағлуб этди (2:1).

«Қора-сариқлар» қишки танаффусдан буён 11 йил ичида биринчи марта кетма-кет 5 учрашувда ғалаба қозонишди.

2012 йилда Юрген Клопп қўл остида «Боруссия Дортмунд»нинг худди шу муддатдаги ғалабали серияси 8 ўйинни ташкил қилган.

Дортмундликлар ўша мавсумда олтин дубл қайд этиб, Бундеслига ва Германия кубогини қўлга киритгандилар.

Германия чемпионатининг 19-туридан кейин «Боруссия» пешқадам «Бавария»дан 3 очко ортда қолган ҳолда турнир жадвалида 3-ўринда бормоқда.