Madridning "Real" klubi bosh murabbiyi Karlo Anchelotti hali Braziliya terma jamoasi bosh murabbiyiga aylangani yo‘q.

Globo Esporte nashri xabariga ko‘ra, vositachilar orqali Braziliya Futbol Konfederasiyasi (CBF) Anchelotti terma jamoani boshqarish imkoniyatiga ochiqligini va klub mavsumi yakunlanadigan iyun oyida buni qilishga tayyorligini bilib oldi.

Manbaning xabariga ko‘ra, CBF prezidenti Ednaldo Rodriges fevral oyida Florentino Peres bilan uchrashib, 63 yoshli mutaxassisning ehtimoliy ketishini muhokama qilish va bu borada rasmiy taklif bilan chiqish niyatida.

Agar Anchelotti tayinlay olmasa, tashkilot hozirda "Roma"da ishlayotgan Joze Mourinyoni yoki "Fenerbaxche"ni boshqarayotgan Jorje Jezushni taklif qiladi.

Braziliya terma jamoasi Tite ketganidan keyin murabbiysiz qoldi. 61 yoshli mutaxassis Qatarda bo‘lib o‘tgan JCH-2022 chorak finalida Xorvatiyaga penaltilar seriyasida 2:4 hisobida mag‘lub bo‘lgach, iste’foga chiqqanini ma’lum qildi. U 2016 yildan buyon jamoani boshqarib kelayotgandi.